ஆண்களின் குரள்வளையை ஏன் ஆதாமின் ஆப்பிள் என்கிறார்கள்?

தொண்டைப்பகுதியில் மூச்சுக்குழாயைச் சூழ்ந்திருக்கும் தைராய்டு குருத்தெலும்பானது (Thyroid Cartilage) ஆண்கள் பூப்படையும் போது முன் தள்ளும், அதற்குக் காரணம் ஆண்கள் வயதுக்கு வரும் போது அவர்களின் குரல்வளை(Larynx) பெரிதாக வளருவதாகும். இவ்வாறு பெரிதாக வளர்ந்த குரல்வளையை பாதுகாப்பதற்காகவும், தேவையான இடவசதிய ஏற்படுத்தவும் தைராய்டு குருத்தெலும்பும் வெளித்தள்ளும். அதனையே "ஆதாமின் ஆப்பிள்" என்பர்.

பொதுவாக நம்மில் பலர் குரல்வளையையே ஆதாமின் ஆப்பிள் என்று நினைக்கிறோம். அது உண்மையல்ல. ஆதாமின் ஆப்பிள் என்பது குரல்வளையைச் சுற்றி உள்ள தைராய்டு குருத்தெலும்பின் நீட்சியாகும்(Protrusion of Thyroid Cartilage).

பூப்படையும் போது பெண்களை விட, ஆண்களுக்கு குரல்வளை சற்று பெரிதாகவும் வேகமாகவும் வளரும். அதன் காரணமாக அது பெண்களை விட வயதுக்கு வந்த ஆண்களுக்கு பெரிதாக வெளித்தெரிவதுடன், அவர்களின் குரலும் ஆழமாக இருக்கும்.

குரள்வளையானது கழுத்துப் பகுதியில் காணப்படுகின்ற ஓர் உறுப்பாகும். இது, மூச்சுக் குழலுக்குப் பாதுகாப்பாக இருப்பதுடன், ஒலி உருவாக்கத்துக்கும் உதவுகிறது. குரல்வளை குரல் மடிப்புக்களைத் தன்னுள் அடக்கியிருப்பதுடன், தொண்டைக் குழாய், உணவுக் குழாயாகவும் மூச்சுக் குழாயாகவும் பிரியும் இடத்துக்குச் சற்றுக் கீழே அமைந்துள்ளது.

வயது வந்த ஆண்களைப் பொறுத்தவரையில் ஆதாமின் ஆப்பிளானது(Protrusion of Thyroid Cartilage) மிகவும் கவர்ச்சியான உடல் அங்கமாகும். ஆனால் சிலருக்கு அது அழகற்ற தோற்றத்தைக் கொடுக்கும். 

பைபிள் கதைகளின் படி, ஆதாமும் ஏவாளும் சாப்பிட்ட கடவுளால் தடை செய்யப்பட்ட ஆப்பிள் பழமானது, ஆதாமின் தொண்டையில் சிக்கிக் கொண்டதாக கூறப்படுகிறது. அதன் வழியாகவே, வயதுக்கு வந்த ஆண்களின் தொண்டையில் வெளித்தெரியும் தைராய்டு குருத்தெலும்பின் நீட்சியை ஆதாமின் ஆப்பிள் என்று அழைக்கின்றனர்.

பைபிள் கதைகளின் படி, ஆதாமும் ஏவாளும் சாப்பிட்ட கடவுளால் தடை செய்யப்பட்ட ஆப்பிள் பழமானது, ஆதாமின் தொண்டையில் சிக்கிக் கொண்டதாக கூறப்படுகிறது. அதன் வழியாகவே, வயதுக்கு வந்த ஆண்களின் தொண்டையில் வெளித்தெரியும் தைராய்டு குருத்தெலும்பின் நீட்சியை ஆதாமின் ஆப்பிள் என்று அழைக்கின்றனர்.

இந்த ஆதாமின் ஆப்பிளின் அளவு பெரிதாக இருந்தால், அந்த ஆணின் குரல் மிகவும் ஆழமாக, ஆண்மை பொருந்தியதாக இருக்கும் என்பார்கள். நன்றாக முன் தள்ளிய ஆதாமின் ஆப்பிள் ஆண்மைமிக்க ஒரு ஆணின் அடையாளமாகவும் பார்க்கப்படுகிறது.

Recommended: ஆண்கள் பூப்படைவது தொடர்பாக மேலும் பல தகவல்களை அறிய இங்கே அழுத்தவும்.

Recommended: ஆண்களின் உடலில் காணப்படும் கவர்ச்சியான பகுதிகள் எவை?